Hier is antwoorde op van die vrae wat ons die meeste ontvang. Klik op 'n vraag om die antwoord te sien.
n Nie-terugbetaalbare deposito per persoon is betaalbaar sodra jy jou bespreking maak om jou plek te verseker. Die finale balans van die toerprys moet teen die gespesifiseerde sperdatum (gewoonlik 60 tot 90 dae voor die vertrekdatum) ten volle in ons bankrekening inbetaal wees.
Nee, fooitjies vir oorsese busbestuurders, plaaslike gidse en kelners is gewoonlik nie by die toerprys ingesluit nie. Dit is gebruiklik om ‘n klein bedrag per dag (bv. €2–€5 per dag vir die busdrywer) opsy te sit vir hierdie doel, en jou toergids sal jou hiermee lei tydens die toer.
Ja, om omvattende reisversekering uit te neem is verpligtend vir al ons oorsese toere. Dit beskerm jou teen onvoorsiene mediese koste in die buiteland, bagasieverlies, of onverwagte toer-kansellasies weens mediese redes.
Ja, aangesien vliegkaartjies en oorsese verblyf aan buitelandse valuta (soos die Euro of Dollar) gekoppel is, kan die finale toerprys aangepas word as daar drastiese skommelinge in die wisselkoers is voordat die toer ten volle betaal is. Ons probeer egter altyd om pryse so stabiel as moontlik te hou.
Alleenlopers is baie welkom! Die standaardprys is gebaseer op twee mense wat ‘n kamer deel. As jy alleen reis en ‘n privaat kamer vir jouself wil hê, is daar ‘n enkelkamertoeslag (single supplement) betaalbaar. As jy bereid is om ‘n kamer met ‘n ander alleenreisiger van dieselfde geslag te deel, sal ons probeer om so ‘n reëling te tref om die ekstra koste te vermy.
Jy is self verantwoordelik om seker te maak dat jou paspoort geldig is vir ten minste 6 maande ná jou terugkomsdatum en dat dit genoeg oop bladsye het. WinskoopToere sal wel vir jou die nodige amptelike dokumentasie (soos vlug- en hotelbevestigings) voorsien wat jy benodig vir jou visumaansoek (bv. ‘n Schengen-visum vir Europa).
WinskoopToere is ‘n trotse Afrikaanssprekende toerorganisasie. Die amptelike voertaal op al ons toere is Afrikaans, en jou toergids sal jou deurentyd in Afrikaans bedien. (Neem kennis: Plaaslike oorsese gidse by spesifieke besienswaardighede mag in uitsonderlike gevalle Engels praat).
