n Goeie balans tussen stap so ver en wyd as wat jy kan, en sit by die straatkafee met die lekkerste atmosfeer om te kyk na al die mense.

Ek wil op elke plek in ‘n daktuin sit en die uitsig, mense en kultuur indrink. Geen haas, net vrede en verwondering.

‘n Ontdekkingsreis met musikale hoogtepunte.

Handhaaf daagliks die volgende reisformule: Beplan een ding en los die res vir kans. Leer, ontdek en proe iets nuuts. En eindig die dag in dankbaarheid.

My reisstyl kan verseker as ‘avontuurlustig’ bestempel word. Met stapstewels in my bagasie en ‘n stewige opdraande wat voorlê is ek op my gelukkigste.

Ek doen my bes om alles wat ek kan in te pas!

Wanneer ek reis is alles anders as die gewone lewe tuis. Die mense, die taal, die land, die uitsigte, die roetine.. Teenwoordig in elke oomblik!

Ek beplan alles haarfyn en my vakansie begin sodra ek in die kar klim. My man sorg dan vir die spontane avonture – heerlik!

Ek is nuuskierig en ontdek graag interessante en onverwagse plekke en kosse. Ek kies om myself nie te veel uit te stres om alles te probeer sien nie – ek kyk waarheen die pad my vat!

My reisstyl is nuuskierig en dinamies – ek hou daarvan om nuwe plekke te ontdek en elke oomblik ten volle te benut.

Ek probeer die atmosfeer indrink, nuwe smake proe en verdwaal in interessante afdraaipaadjies en stegies langs die pad.

Beplan, beplan, beplan. Maar, nie te veel beplan sodat daar nie ruimte vir ‘n spontane avontuur is nie!

Ek hou daarvan om “hidden treasures” te ontdek – iets ‘n bietjie anders as die tipiese toeriste-items. Plaaslike kos is deel van die ontdekkingstog!

Ek is reg vir enige avontuur! Enige nuwe ontdekkingsreis, met ‘n klem op die mense, die taal en die kultuur van die bestemming, maak my hart baie bly!

Ek verkies om so vinnig as moontlik by my bestemming uit te kom, sodat ek die vakansie so lank as moontlik kan geniet.